Nzila Ya Mpulusu Bonso Ndinga Nzambi Kusonga Beto

Na mambu ya mpulusu, kima ya luta mfunu ikele menga ya Yesus Klisto, ya lenda futa ntalu ya masumu ya beto bankwa masumu. Kima yankaka ikele ve ya lenda yidika nzila ya mpulusu sambu na beto bantu--kaka menga ya Dimeme ya Nzambi.

Muntu ya konda mpulusu ikele ya kufwa. Nzambi imene tula nsiku nde kaka menga lenda futa ntalu ya masumu ye vutula muntu na nzila ya moyo.

Na ntangu ya nkulu, bantu losaka menga ya bameme na kusonga lukwikilu ya bau na mambu ya Yesu. Na kusonga nde bau ikele kwikila na Jesu, Mwana Nzambi, ikele kwiza na kufuta menga ya yandi. Yandi kufwaka na kulunsi sambu na yidika mayela ya mpulusu ya beto bantu. Buna beto lenda kuma ti kuna na zulu ya Nzambi na ntangu ya lufwa ya nitu yai na ntoto.

Kansi mambu yonso yina ya bameme ya ntama vandaka kaka bonso foto ya mambu ya kieleka ya Yesu Klisto. Yandi yidikaka mambu ya nzila ya mpulusu sambu na beto bankwa masumu mbala mosi, konda mfunu na kusala yo diaka.

Tata Nzambi imene zenga mambu nde konso muntu ya pindula mabanza ya yandi ya kieleka mu ntima ya yandi, ye kwikila mu Yesu bonso Mfumu ye Mvulusi ya yandi, muntu yina tavanda na moyo yina ya kieleka ya mvu ya mvu. Yandi lenda diaka ve bika nzila yina ya kwenda ti na bwala ya Nzambi.

Bonso Nzambi imene tuba na bantu yonso na Ndinga ya Yandi, na Ebeleo kapu 9, nzila 11 na 12 - - "Kansi bu Klisto kituka nganga nene ya bima ya mbote ya ikele kwiza mu kinlongo ya luta nene ye ya lunga.

"Yai konda kusalwa na maboko, ikele ya nsemono yai ve, ikele mu menga ya bankombo ye mu menga ya bana ya bangombe mpe ve, kansi mu menga ya yandi kibeni, yandi kotaka mbala mosi mu sika ya nlongo, bu yandi bakaka nkudulu ya mvu ya mvu."

Diaka, na Ndinga ya Nzambi, mu Nkanda ya Paulu kwa Baloma, Nzambi imene songa mbote mbote nzila ya mpulusu kwa beto bantu yonso.

Tanga ntete na Loma kapu 3 nzila 23 - - " Kadi yonso imene kusala masumu, ye konda nkembo ya Nzambi."

Landa kuna na Loma diaka ye tanga kapu 6 nzila 23-- - "Kadi lufutu ya masumu ikele lufwa, kansi matabisi ya nlemvo ya Nzambi ikele moyo ya mvu ya mvu, mu Klisto Yesu, Mfumu ya beto."

Na kumanisa mambu ya kusonga nzila ya mpulusu, tanga diaka na Loma kapu 10 nzila 8 ti na 10 - - "Kansi yo tuba nki? Mambu ikele mfinama na nge, mu munoko ya nge ye mu ntima ya nge, ikele mambu ya lukwikilu ya beto ikele kusamuna.

"Sambu kana nge tuba kitemo na munoko ya nge Yesu ikele Mfumu, ye kwikila mu ntima ya nge na Nzambi fulukisaka yandi tuka bafwa, buna nge tavuluswa.

"Kadi mu ntima muntu ikele kukwikila ku lunungu, kansi mu munoko muntu ikele kutuba kitemo ku mpulusu."

Landa diaka na Loma kapu 10 nzila 13 - - "Kadi konsonani ya bombidila nkumbu ya Mfumu tavuluswa."

Bika Nzambi sakumuna nge, mutangi ya nkanda yai, na nge takwikila mu ntima ya kieleka, ye bika nge kutuba kitemo ya kieleka na Yesu Klisto ikele Mfumu ya nge kibeni. Bika nge mutangi ya konda landa Yesu, bombidila Yandi bubu yai.

Kana nge zola baka nkanda yankaka ya fioti ya mambu ya Nzambi sonikina beto nkanda na mpila yai:

Keti na poste:

Keti na www:

I Yoane 5:1 - 5 - - "Konsonani ya kwikila na Yesu ikele Klisto, butukaka kwa Nzambi; Konsonani ya zola yandi ya butaka yandi, zola mpe yandi ya butwaka kwa yandi. Mu yai beto zaba beto zola bana ya Nzambi, bu beto zola Nzambi ye sala bansikudukusu ya yandi. Kadi yai ikele zola ya Nzambi, na beto keba bansikudukusu ya yandi, ye bansikudukusu ya yandi ikele kizitu ve. Kadi konso nki ya butwaka kwa Nzambi ikele kuluta nsi ngolo; nunga ya ikele kuluta nsi ngolo ikele yai, lukwikilu ya beto. Nani ikele yandi ya luta nsi ngolo, kansi kaka yandi ya kwikila Yesu ikele Mwana ya Nzambi?"

our continuing MISSIONARY MINISTRY, and Aspirations

Optimized For Netscape Navigator 3 James & Georgia Dearmore After 33 yrs in Africa Missions Now Writing for the WWW, Books, & Conference Speaking <<==="Click" Cheetah for Photo of Dearmores

Rodgers Baptist at: rodgersbaptist@mymail.net E-Mail Pastor, Ron Thomas: rodgers@dallas.net E-Mail Webmaster with comments ©1997, 2000 James & Georgia Dearmore